قصه شمس المعارف (كامله)

#الجزءالثاني

لقيت اخويا في شقتي وبيتكلم مع والدتك افتكرت كلام المخلوق الي بيظهرلي مش عارف ليه… دخلت وانا عصبي جدا وانا بقوله انت بتعمل اي هنا وازاي تاجي وانا مش موجود اطلع بره… رد عليا وقلي انت اتجننت الي بتقوله ده.. ووالدتك قلتلي انت بتقول ايه…. تامر سابني وخرج مسكت والدتك من شعرها وقولتلها رد عليا كان بيعمل ايه هنا… شيل ايدك انت اتجننت بتمد ايدك عليا وبعدين اخوك طول عمره بيطلع عندنا وانت بتنزل تقعد عنده الي خلاك تعمل كده…. معرفتش ارد عليها سبتها وخرجت… اخدت الكتاب وفكرت اني اولع فيه رحت لفؤاد وقولتله انا تعبت يا فؤاد انا بشوف حاجات صعبه ميتحملهاش بشر… رد عليا وقلي وانا بقولك كل دي هلاوس حاول تهدي كده وتعقل وصلي علي النبي…. عليه الصلاة والسلام… انا خايف احرق الكتاب خايف من الي ممكن يحصل… فؤاد قلي هيحصل اي يعني هات يا عم انا هحرقه ولقيته دخل المطبخ وشغل عين البوتجاز وحط الكتاب عليها وقال خلاص يا عم الكتاب اتحرق اهو حصلت حاجه…في الوقت ده بدأت احس بصداع وقولتله انا مصدع وتعبان يا فؤاد انا هروح رجعت البيت لقيت والدتك لمت شنطه هدومها وعاوزه تروح بيت اهلها… قولتلها روحي اخدتك معاها ومشيت وفضلت قاعد في البيت بفكر..لكن تليفوني رن كان طارق رديت عليه ايوه يا طارق…. الحق يا نوح فؤاد شقته بتتحرق طلعت اجري من الشقه علي بيت فؤاد بجري وفيه صراخ مش قادر اتحمله جوه دماغي… وصلت العماره الي ساكن فيها كان الاسعاف والمطافي تحت العماره… ومطلعين جثه متغطيه بملايه جريت عليها وكشفتها.. تكفي بشاعه المنظر الي شوفته جثه فؤاد متفحمه محدش عارف اي الي عمل كده فيه غيري…. بعد اجراءات كتير من مستشفى ودفنه رجعت البيت مش شايف قدامي حزين علي واحد من اعز اصحابي مات… دخلت الشقه وقعدت وانا مش عارف اتحكم في نفسي فضلت ابكي لكن الي لفت نظري الكتاب… ايوه الكتاب رجع تاني… صرخت وانا بقوله انت مش اتحرقت رجعت تاني ازاي… سمعت صوت ضحك من ورايا بصيت كان قاعد علي كرسي بشكله البشري العادي وقلي محدش يقدر يحرق الكتاب ده يا نوح الكتاب ليه حارس…. انا حارس الكتاب الي بحميه…. قولتله انت مين سبني في حالي وابعد عني انت عايز مني اي…. قلي منا قولتلك تآمن بيا وهعيشك في نعيم…. قولتله مش عايز النعيم بتاعك انا معرفكش…. قام من مكانه ومسكني من كتافي خلاص مبقاش بمزاجك انت الي فتحت الباب..طيب انت مين انا عايز اعرف قلي انا سيران انا شيطان الموت…. يلا انزل واسجد لسيدك ومولاك….. لا لا انا مش هعمل كده مش هعمل كده اعوذ بالله من الشيطان…. لسه مكملتش الجمله لقيت نفسي بترفع من علي الارض بأشاره من صباعه بتهبد علي الارض وبدأت ملامحه ترجع للملامح البشعه من تاني..في اللحظه دي الباب خبط وهو اختفي قومت واتحاملت علي نفسي وفتحت الباب كان طارق وعلي وقلولي يلا البس عشان نروح عزا فؤاد.. دخلت لبست ورحنا العزا فضلت قاعد شويه صوت القرآن كان مخلي صداع فزيع في دماغي…. وسمعت صوت همس في وداني قوم شوف مراتك بتعمل ايه عند اخوك في بيته… سبت العزا بشكل بايخ وطلعت اجري علي البيت ووصلت البيت لقيت والدتك خارجه من شقه اخويا تامر… انتي كنتي بتعملي اي جوه بتخونيني انا وانزلت فيها ضرب.. لقيت تامر طالع وبيقولي انت بتعمل اي انت مش طبيعي مراتك كانت جايه لمراتي عشان تعبانه ادخل شوفها لو مش مصدق… قولتله اه مش مصدق انا هق. تلك يا تامر صدقني هق.تلك…. والدتك طلبت مني الطلاق ورجعت بيت اهلها… واخويا قطعني تماما بعد الفضيحه الي عملتها وسيرتنا بقيت علي كل لسان…. خلاص قدري بقا الكتاب اخدته وسبت البيت ده ورحت البيت القديم عزلت نفسي هناك وقعدت فوق الشهر مش بكلم حد مش بعمل حاجه غير اني بقرأ في الكتاب بشوف اهوال بشوف سيران ومش سيران وحده كنت بشوف مخلوقات كتير غريبه حالتي ساءت عينيا ظهر تحتها هالات سوده شعري ودقني كبروا.سيران كان بيظهرلي كل يوم ويطلب مني نفس الطلب ورغم كل الي بعمله رفضت طلبه.. لحد ما في يوم لقيت فيه خبط ورزع علي الباب… فتحت كانت الشرطة وقبضوا عليا مش عارف ليه… بعدها عرفت ان اخويا تامر متغيب عن البيت بقاله شهر وان لما المده وصلت شهر قالوا اتق..تل او جراله حاجه وان مرات تامر والجيران شهدوا عليا اني هددته بالق.تل…. فضلوا يحققوا معايا ليل نهار وانا بقول مقتلت. هوش والله ما اعرف حاجه ورغم انه مفيش جثه لكني اخدت حكم 25 سنه واتقال اني قت. لت اخويا… هي دي الحكايه يا سيد انت ساكت ليه يبني.. الباب خبط قولتله خليك انا هفتح.. فتحت الباب لقيت واحد من لبسه دكتور وقلي اخبارك اي النهارده اخدت العلاج قولتله علاج علاج اي انا كنت جاي لسيد ابني بتكلم معاه شويه…. قلي سيد مين.. قولتله سيد ابني…. قلي اه يبقي انت ما اخدتش العلاج… قولتله علاج اي انا مش فاهم حاجه… قلي اهدي وانا هفهمك.. قولتله اهدي ازاي ما ترد علي ياسيد… ببص ورايا ملقتش حد انا في اوضه اشبه بأوض المستشفيات… قولتله انا فين… قلي اهدي عشان احكيلك انت معندكش ولاد لانك ببساطة مش متجوز انت كنت عايش لوحدك وبتحب العزله لحد لما واحد صحبك جبلك كتاب خطير عن السحر قريت فيه وللاسف انت بقيت تشوف هلاوس واختلقت قصه لنفسك وانك متجوز ومخلف وقت. لت اخوك واتسجنت لكن لا انت عارف ان اخوك تامر هو الي جابك المستشفى… كنت باصص للدكتور بصه المجنون… الدكتور قلي انا هسيبك ارجع الاقيك اخدت الدوا…. حطيت ايديا علي دماغي وفضلت ابكي لكن سمعت صوت بيقولي شوفت نهايتك لو كنت آمنت بيا كان زمانك في نعيم لكن دلوقتي انت غرقان في الجحيم غبي انت بني آدم غبي

وفضل يضحك… اما انا جالي انهيار عصبي وادوني حقنه مهدئه لسه مش مصدق الي انا فيه… لكن نصيحه بلاش تبعدوا عن ربنا قربوا البعد عن ربنا اخرتوا وحشة

…

تمت